Eusko Legebiltzarra - Parlamento Vasco.

Edukira joan

Web gune hau diseinatu eta programatzean WAI (Web Accessibility Initiative, WAI (Web Accessibility Initiative, www.w3.org/wai), ekimeneko jarraibideak kontuan izan ditugu. Ekimen horrek nazioarteko zenbait estandar ezartzen ditu mundu guztiak eskuratzeko moduko web edukiak sortzeko. Era berean, gure asmoa Informazioaren Gizartearen eta Merkataritza Elektronikoaren Zerbitzuen Legea betetzea izan da, hain zuzen ere horrek herri-administrazioen web guneetarako agindutakoa.

WAIk erabilerraztasuneko hiru maila sortu ditu (A, AA eta AAA), eta horietako bakoitzera iristeko jarraibide edo printzipio jakin batzuk bete behar dira.

Hasierako helburua erabilerraztasuneko A mailara iristea zen, eta hori lortu da web guneko eduki gehienetan. Aurrerantzean ere lanean jarraituko dugu, web gunea etorkizunean AA eta AAA mailei egokitzeko eta bera gero eta herritar gehiagoren eskura jartzeko.

Orri honetan deskribatzen dira web gunearen diseinuaren ezaugarriak, haren erabilera erraztu nahian sortu ditugunak.

Erabilerraztasuneko jarraibideak

Gure orrien erabilerraztasuna bermatzeko, zenbait jarraibide izan ditugu kontuan:

• Elementuak pantailan erakusteko moduak hurrenkera logiko bati jarraitzen dio.
• Nabigatzeko sistema arakatzaile bakoitzaren ezaugarriei egokitzen zaie. Goitibeherako menuak Javascript onartzen duten arakatzaileetan baino ez dira agertzen. Nabigatzeko sistema erraztua arazorik gabe erabil dezakete Javascript aktibatuta ez dutenek.
• Oro har, Javascript erabiltzea ez da ezinbestekoa, aukerakoa baizik. Javascript aktibatuta ez dutenei, kode horren bertsio zaharrak dituztenei edo bera onartzen ez duten arakatzaileak dauzkatenei beti eskaintzen zaie beste aukera bat.
• Irudi guztietan beren deskribapena ematen duten testuak jarri dira.
• Aukera eta eduki nagusietara joateko badaude teklatuko laburbideak.
• Markatzeko egitura semantikoa erabili da. H1 etiketak titulu nagusietarako erabili dira; H2, H3 eta H4 etiketak, azpitituluetarako.
• Web gune honek kaskadako estilo-orriak erabiltzen ditu bisualizaziorako. Arakatzaile batek (edo nabigatzeko tresnaren batek) ez badu estilo-orririk onartzen, diseinuari esker posible da oraindik ere orriak irakurtzea.
• Orri guztietan identifikatzen da beren edukien hizkuntza.
• Web guneko taula guztietan ahots bidezko arakatzaileek ulertzeko eta linean ondo irakurtzeko moduko kodea jarri da.

Teklatuko laburbideak. Nola nabigatu sagurik gabe

Oraingo arakatzaile gehienek eskaintzen dute web gunean zehaztutako tekla-konbinazio baten bidez esteka jakinen batean sartzeko aukera.

Web guneko orri guztietan ondoko estekak definitu dira, sagurik gabe eduki erabilienetatik mugitzea ahalbidetzen dutenak:

• [Alt|Ctrl] + 1: Jarduera
• [Alt|Ctrl] + 2: Nor da nor
• [Alt|Ctrl] + 3: Zerbitzuak
• [Alt|Ctrl] + 4: Dokumentu baliabideak
• [Alt|Ctrl] + C: Orriko edukira zuzenean sartzeko aukera
• [Alt|Ctrl] + M: Web guneko mapa
• [Alt|Ctrl] + A: Erabilerraztasuneko orria
• [Alt|Ctrl] + E: acceso a la página actual en euskera o español

Ikusten denez, laburbide horietan Alt edo Ctrl teklak sakatu behar dira, arakatzaile bakoitzaren arabera. Mozilla edo Firefox bezalako arakatzaile batzuek automatikoki sartzen dira estekatik; Microsoft Internet Explorer bezalako beste batzuek estekan fokua jarri baino ez dute egiten, eta Enter sakatu behar da hortik sartzeko.

Estekak

Helburua guztiz deskribatzen ez duen testua daukaten estekarik gehienek title atributuak dituzte, azalpen batekin.

Ahal izan den heinean, estekak testuingurutik aterata ere ondo ulertzeko moduan idatzi dira. Jaws, Home Page Reader, Lynx eta Opera bezalako arakatzaileak gai dira esteken zerrenda uneko orritik ateratzeko eta erabiltzaileari zerrenda horretatik abiatuta nabigatzen uzteko. Hori kontuan izanda, estekak ez daude errepikatuta, eta baldin badaude, eduki berberera daramatelako da.

Esteka guztiak edozein arakatzaileren bidez erabil daitezke, baita Javascript aktibatzen ez bada ere.

Nabigatzeko laguntzak

• Rel estekak erabiltzen dira testu hutsean zehar nabigatzen laguntzeko.
• Orri guztietarako definitu dira rel="Home", rel="Help" eta rel="Index" estekak.
• Ezaugarri hori berez agertzen da Lynx eta Opera arakatzaileetan beti. Netscape eta Mozillaren bertsioren batean menu honetatik aktiba daiteke ezaugarria: Ikusi>Erakutsi/Izkutatu>Web guneko nabigazio-barra>Erakutsi beharrezkoa denean.

Ahal dugun guztia egiten ari gara web guneko informazioa erabiltzaile guztien eskura jartzeko, informaziorako eta komunikaziorako herritar guztiok daukagun eskubidea kentzen diguten mugak apurtzeko. Hala ere, web gunetik nabigatzean oztoporik topatzen baduzu, jarri harremanetan gurekin eta beste formatu batean emango dizugu nahi duzun informazioa. Oso lagungarria izango da guretzat arazoa ahalik eta hoberen deskribatzen badiguzu, zure arakatzailearen izena eta bertsioa ere adieraziz.

Webgunearen irisgarritasun eta erabilgarritasunean egindako ahaleginari esker, orri guztien behealdean dauden bi ikonoen bidez bi baliabidetara jo dezakezu