Kanpo harremanak.Hitzarmenak

Hitzarmenak

Beste administrazio publiko batzuek bezala, Eusko Legebiltzarrak hainbat hitzarmen ditu sinatuak hainbat erakunderekin, elkarren intereseko alorretan lankidetzan aritzeko.

Helburua lankidetza-esparru iraunkor bat ezartzea da, baliabideei probetxu handiagoa ateratzeko eta hitzarmena sinatzen duten erakundeek gizartean hedapen handiagoa izateko.

Gaur egun Eusko Legebiltzarrak lankidetza-hitzarmenak ditu sinatuak Euskal Herriko Unibertsitatearekin, Deustuko Unibertsitatearekin eta Mondragon Unibertsitatearekin. Hitzarmen horietan bi aldeek erabakitako alorretan ekimenak garatzeko aukera jasotzen da. Hona alorrok: "liburutegiak, informatika, edizio zerbitzua, politika eta administrazio zientzia, zuzenbidea, soziologia, antropologia, historia, hizkuntzalaritza eta telebista errealizazioa..."

Era berean, eta lankidetzarako asmo berberarekin, Eusko Legebiltzarrak hitzarmenak sinatu ditu Eusko Jaurlaritzako Kultura Sailarekin, Euskaltzaindiarekin edo Santxo Jakintsua Erakundearekin.