Administrazio zerbitzuak.Azterlanak

Zuzendaritza honen egitekoa Legebiltzarreko organoei eta kideei laguntza dokumental eta zientifikoa ematea da, legebiltzarkideek beren jarduna betetzeko beharrezko informazioa eduki dezaten. Horretarako, fondo batzuk jaso, tratatu eta zabaltzeaz arduratzen dira. Kudeatzen dituzten fondo horiek bibliografikoak, artxibistikoak eta dokumentalak dira, eta hiru zati horietan dago banatuta Azterlan Zuzendaritza. Azterlan Zuzendaritzari dagokio, orobat, Eusko Legebiltzarrak argitaratutako liburuen kudeaketa editoriala. Burua Andoni Iturbe legelari jauna da.

Zuzendaritza honetako lanak sortzen dituen prozesuak transbertsalak dira gehienetan eta prozesuok eragina dute zuzendaritzako hiru zerbitzuetan. Hauek dira hiru zerbitzu horiek:

Legebiltzarkideek, legebiltzarkide ohiek, Legebiltzarreko organoek eta legebiltzar-taldeetako langileek honako hauek eska ditzakete Azterlan Zuzendaritzako zerbitzuetan: liburuak, Estatuko, autonomia-erkidegoetako, Euskal Autonomia Erkidegoko eta hartako lurralde historikoetako, eta Europako Batasuneko legeen eta/edo jurisprudentziaren dokumentazioa, legedia eta jurisprudentzia konparatua, Estatuko, autonomia-erkidegoetako, Europako Batasuneko legebiltzar-informazioa, legebiltzar-laneko gaiei buruzko dokumentazio-azterlanak, estatistika-datuak, prentsa-txostenak, legebiltzar-aurrekariak, eta abar.

Oro har, erabiltzaileak behar duen informazio oro alor tematiko hauetan dago banatuta: